Radio Philippines Network
DZRL Batac News Provincial News

“Modern PUJ” Nairubuaten Iti Ilocos Norte

Nairubuat ti “Modern Public Utility Jeepney” ditoy Iocos Norte ita nga aldaw. Umabot iti duapolo ket tallo a units ti “Modern PUJ” ti naipaay para iti rota ti Laoag-Batac -Paoay iti babaen ti Ilocos Transport Cooperative.

Segun ken ni Regional Director Nasrudin Talipasan ti Land Transportation Franchising and Regulatory Board wenno LTFRB ti Ilocos Norte ti kaunaan a nanggundaway iti PUJ Modernization Program ti Gobierno Nasional.

Mainaig iti daytoy, impadanonna ti napalaus a panagyamanna iti gobierno probinsial kangrunaanna kada Gobernador Matthew Marcos Manotoc, Bise Gobernador Cecilia Araneta Marcos, ABC Federated Pres. Elmer Faylogna a Chairman ti Committee on Transportation ti Sang. Panlalawigan ken ti Metro Ilocos Norte Council iti panangsuportada iti nasao a programa.

Daytoy a pannakairubwat ti “Modernized PUJ” iti Ilocos Norte ket inimatangan ti bise gobernador, pakairamanan ti Chief of Staff ni Gob. Matthew Marcos Manotoc a ni Atty. Pancho Jose, Provincial Administrator Atty. Leynes, ABC Federated Pres. Faylogna, MINC General Manager Atty. Cipriano “Perry” Partinez, OIC ti MINC Atty. Athea Nicolette “Nikki” Pilar, Paoay Mayor Romulo Acdal, ti pannakabagi ti kompania a naggapoan dagiti Modern PUJ a Hyundai ken ti pannakabagi ti Development Bank of the Phils.

Impeksa ni Marcos ti panangnamnamana a makatulong ti operasyon ti “Modern PUJ” iti idurdur-as ti ekonomia ti probinsia.

Immapela ti bise gobernador kadagiti kameng ti kooperatiba iti panangsaluadda kadagiti nasao a lugan.

Maipalagip nga iti babaen ti PUJ Modernization Program ket saanbton a mapalubusan nga agoperar dagiti jeepney a sangapulo ket lima a tawenen ti makina ti lugan da mangrugi intono bulan ti Enero iti masungad a tawen 2021. (Irene Ringor, RPN DZRL Batac Correspondent)

(Source: Provincial Government of Ilocos Norte)

Related posts

BCPO Force Short By 56 Percent

RPN

Vehicular Accident Along Zone 1, Brgy. Tulungatung, Zamboanga City

RPN

Benguet Towns Get Ambulances, Medicines Anew

RPN