Davao City – Nabakunahan kontra Covid-19 ang mukabat sa 4,700 ka mga indibiduwal pinaagi sa Mobile Vaccination sa pagpanguna sa Davao city Council.
Subay sa gipagawas nga datus sa kagamhanang lokal sa siyudad sa dabaw, gikan sa pagsugod sa roll out pinaagi sa mobile vaccination sa konseho ning siyudad niadtong Agosto 30, naa sa 4,700 ka mga indibiduwal ang nabakunahan na.
Ang mobile vaccination sa Davao city Council nagtumong nga maadtoan ang mga suok ug lagyo nga lugar sa mga Barangay sa siyudad sa dabaw apan prayoridad gihapon ang mga senior citizen, person with comorbidity ug mga person with disability.
Tinguha sa mga konsehal nga dugangan ang ilang target ngadto sa 7,500 ang mabakunahan aron daling makab-ot ang 15,000 nga target kada adlaw.
Una na nga gi-awhag ni Davao City Mayor Inday Sara Duterte ang mga konsihal nga muhimo ug mobile vaccination arun nga mas daghan ug mas paspas na ang vaccination roll out dinhi sa siyudad sa dabaw.
(Source: Davao City Council)
