Nagmalampuson ang bag-ohay lang gilusad nga ‘mobile vaccination’ sa syudad sa miaging adlaw ning tuig.
Nahimong pilot areas sa duha ka adlaw nga mobile vaccination alang sa mga senior citizens, ug caregivers/social workers diha sa Residential Care for Elderly sa Oro Care Village, Maitum, Puerto ug sa Oro Dalampanan Shelter sa Lumbia ning syudad.
Prayoridad sa mobile vaccination nga maadtoan ug mabakunahan ang mga  seniors citizens nga adunay kasilik-an sa panglawas nga maglisod pag-adto sa mga vaccination sites.
Ang mobile vaccination team naglangkob sa siyam (9) ka mga staff, dunay usa ka doctor, mga nurses ug support staff.
Mapasalamaton si Mayor Oscar S. Moreno sa bag-ong estratehiya sa City Health Office ug City Health Insurance Office sa paglusad sa mobile vaccination aron mas daghan pa ang mabakunahan batok COVID-19. (City Health Office)