Pagadian City – Sikop ang usa ka indibidwal sa gikasa nga Drug Buy Bust Operation nga gipahigayon sa Station Drug Enforcement Team kon SDET sa Pagadian City Police Station sa pagpangulo ni Police Lieutenant BRAINHULL SAKKAM, sa may Purok Patag Dao, Pagadian City.
Ang dinakpan naila nga si Bryan Salvador, 31 anyos, adunay live-in partner, usa ka driver sa pampasaherong single motor, ug kanhing driver sa sand and gravel ug residente sa Purok Bahada, Barangay Dao ning nasangpit nga syudad.
Hisayran nga ang suspect usa ka drug surrenderee ug misurender kini panahon sa tokhang, matud niini nga gikan pag kabaturan, Lanao Del Norte ang shabu ug igo ra ihatud ngadto kaniya. Gibutyag usab kaniya nga migamit kini sa ginadiling droga, apan mibalibad kini nga nibaligya sa susamang butang.
Dugang pa nga kaniadtu sya pa mismo ang muadto sa lanao apan bag-ohay lang gibaharan na kini nga dili pasudlon sa lugar tungod matud pa adunay hiposon, ug sa pagkakaron igo nalang sya nagpasugo.
Atol sa operasyon nakumpiska gikan sa suspect ang upat ka pakete sa shabu, usa ka unit sa Samsung keypad phone ug usa ka kenentos pesos isip buy-bust money. Sapagkakarun gikustodiya na sa kapulisan ang dinakpan alang sa tulmkmang desposasyon.
(Source: Igmat Pagadian, photo courtesy of Pagadian news Icon)