Cebu City – Migawas ang pangan ni Former Tourism Secretary Joseph “Ace” Durano nga maoy posibling modagan sa pagka gobernador sa Lalawigan sa Sugbo, atbang ni Governor Gwendolyn Garcia sa 2022 elections.
Human kini sa press conference sa Durano-led Barug Alang sa Kauswagan ug Demokrasya (BAKUD) party nga mipahibaw sa tinguha ni Ace sa top position sa lalawigan.
“Ace is considering it, but a lot of things are still weighed in,” mensahi ni Former Cebu 5th District Rep. Durano.
Si Red maoy kasamtangan nga chairperson sa BAKUD.
Gibutyag ni Red nga daghang nga grupo ug sektor ang nanawagan sa iyang igsoon nga modagan sa pagka gobernador.
“Especially with everything going on around the province, particularly how the crisis is being handled
and how the health sector is not being prioritized, a lot of organizations have asked Ace to take lead,” pasabot ni Red.
Ning mga higayona, matod ni Red nga si Ace padayon nga nangunsulta sa dugang grupo ug Sugboanon sa dili pa mohimo sa iyang final nga hukom.
Lakip na niini ang iyang posible nga running mate sa higayon nga mopadayon siya sa iyang kandidatura pagka gobernador.
“Ace only has one person in mind, who shares the same values and kind of leadership as him. There are still ongoing discussions, but if this person agrees to run with him, then it would be a much easier decision for Ace,” pahibaw ni Red.
Si Ace ug Red mga bag-ong henerasyon sa usa sa mga influential political families sa Sugbo nga mao ang pamilyang Durano.
(Source: Barug Alang Kauswagan ug Demokrasya (BAKUD), photos courtesy of Gov. Gwen Garcia’s Facebook page | Ace Durano’s FB page)
