NAPUNO sa kasadya ang ikatulong adlaw sa Fairytale Homecoming ni Ms. Cinderella Faye Obeñita sa miaging adlaw human nga migahin kini og oras aron mabisita ang tanang opisina sa Kapitolyo Probinsyal.
Pinaagi sa Provincial Tourism Office nga gipanguluhan ni Atty. Jeffrey Saclot mahinungdanong napahigayon ang Photo Opportunity uban ang International Beauty Queen kon diin ilang nahimamat sa tanang empleyado sa Kapitolyo uban ang ilang mga Department Heads.
Ang matag buhatan miandam sab og mga tarpaulins aron pagpaabot sa kalipay sa nakab-ot sa kaubang kawani sa kapitolyo nga milampos sa Intercontinental pageant.
Wala magpaulahi sab ang buhatan sa Provincial General Services Office nga dala-dala ang mga balloon, nagtunol sab sila og bouquet sa bulak, ang Capitol Park mihatag sab sila og tanom, samtang ang mga inmates sa MOPJ mitanyag og usa ka dance presentation alang sa maanyag nga beauty queen.
Puno sab sa kalipay ang masaksihan sa hulagway ni Ms. Obeñita nga labihan ang pasalamat sa tanang empleyado nga misuporta kaniya sukad pa kaniadto pagsugod niya sa kompetisyon hangtod nahimong garbo dili lang sa Misamis Oriental apan sa Pilipinas ug isip pasalamat sab kanila migahin og oras sa pagbisita sa tagsa-tagsa ka buhatan.
Gidasig ni Miss Intercontinental Cindy Obeñita ang tanan nga sa umalabot selebrasyon sa Pasko nga batasanon ug himoun positibo ang panlantaw bisan paman sa mga pagsulay ning kasamtangan. Isip usa ka empleyado sa Kapitolyo, si Ms. Cindy una nang misaad nga padayunon niya ang pag-alagad sa katawhan sa Misamis Oriental bisan pa man nga kinahanglan siya lukop sa tibuok kalibutan.
Kini human gitugotan siya sa pwersa sa Miss Intercontinental nga mahimong mosilbi sa lalawigan samtang padayon ang iyang reign. Nagsilbing pinasahe nga kasinatian nga gilantaw sa tanan isip inspirasyon ang nasakmit nga korona ni Miss Intercontinental Cindy Obeñita dala-dala ang adbokasiya kalabot Cervical Cancer Awareness.
Ang kadaogan usab niini magsilbi usab nga inspirasyon sa tanang kawani nga walay pangandoy nga dili makab-ot kung kini paningkamotan dugangan pa sa suporta sa amahan sa lalawigan nga mahimo gyod nga posible ang tanan.
(Source: Provincial Tourism Office- MisOr)