27.2 C
Manila
Friday, March 29, 2024

MisOr Prov’l Library Nakadawat Og Mga Libro Gikan Sa National Library Of The Philippines

- Advertisement -

Gipadangat sa Misamis Oriental Provincial Library ang ilang dakong kalipay ug pagpasalamat ngadto sa National Library of the Philippines human gitunolan og daghang mga libro niadtong adlawng Biyernes, Marso 19, 2021.

Gidawat mismo ni Provincial Librarian Richel I. Pajara ang 81 ka kopya sa libro ug 30 ka kopya sa magasin nga nagkantidad kining tanan og ₱ 43,369.77.

Ang National Library of the Philippines naglihok isip central node sa tanang public library system sa tibook nasud pinaagi sa Public Libraries Division.

Kini maoy responsable sa pagkonektar sa mga pampublikong library partikular na sa mga sistema sa impormasyon ug panaghiusa nga serbisyo.

Dako kaayo og kahimoan ang maong book allocation sa buhatan tungod kay makatabang kini ug mapahimuslan sa mga katawhan sa Misamis Oriental ilabina sa mga estudyante, mga magtutudlo ug tanan katawhan nga mosulod niining pampubliko nga library.

“Dako ang akong pasalamat sa National Library of the Philippines headed by Dir. Adriano and also headed by Ms. Bless Velasco Chief of Public Libraries Division sa National Library of the Philippines sa pagpanghatag sa ato og book allocation dari sa atong Provincial Library sa Misamis Oriental,” mapasalamaton nga sulti ni Ms. Pajara.

Gipaabot niini nga bulahan kaayo ang lalawigan nga adunay book allocation gumikan nakakumpleto sa rekisitos niini.

“In fact, dili tanan public libraries ang hatagan ug book allocation kay aduna kini mga requirement sama sa active public libraries then ang paghatag og report sa ilaha kung unsa na ang status sa atong Provincial Library or kinsa pod ang nahatagan na sa atong serbisyo,” dugang ni Provincial Librarian Pajara.

Kalipay usab ni Governor Bambi Emano nga makadawat ang lalawigan og susama niini gikan sa Nasyunal gumikan dako kini nga tabang sa pagpakusog ug pagpalambo sa mga programa sa Provincial Library labina gyod ang literacy rate sa komunidad. (Provincial Information Office – MisOr)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -