Nagpabilin pa gihapon sa “skeletal” ang operasyon sa barangay hall sa Barangay Dadiangas South, human magpositibo sa coronavirus disease 2019 infections ang usa sa mga empleyado sa maong opisina.
Gikumpirma ni barangay chairman Rocky Garay nga kasamtangang naka-isolate ang ilahang treasurer, human matakbuyan sa virus.
Gipanguro usab sa opisyal nga gilayon na silang nagpahigayon og disinfection ug contract tracing sa mga taong nakahimamat sa maong empleyado.
Alayon niini, gipahibalo sa kapitan nga padayon pa gihapon ang serbisyo sa barangay hall sama sa pag-isyu og barangay certifications, clearances, medical certificates, cedula, permits ug uban pang mga documentary requirements sa ilahang mga residente.
“Gikan atong Martes gipasarado nato ang admin office lang sa atong barangay para himuon ang disinfection. So karon, anaa kita sa skeletal force para mapadayon nato ang serbisyo sa barangay,” ang tipik sa pamahayag sa kapitan. (John Rey Somido)