Agig pagpangandam sa coronavirus disease (COVID-19) vaccination program sa nasudnong kagamhanan, ang Misamis Oriental Provincial Health Office uban sa Provincial Disaster Risk Reduction Management Office ug sa Department of Heatlh-10 nagpahigayon sa Immunization Drill sa niining semanaha aron sa pagplantsa ug pagsuta sa hingpit nga papel sa mga personahe alang sa umaabot sa vaccination rollout.
Sa tinguha nga mapatuman ang 18,000 doses sa vaccine sud sa lima ngadto sa pito ka adlaw tapos makadawat niini, ang nasangpit nga drill nagtinguha usab sa pagpangandam alang sa efficiente nga pagpang-apod-apod sa maong bakuna ngadto sa 23 ka mga munisipyo ug 2 ka syudad.
Sa gihimong pagbansay-bansay, ang PHO personnel ubos sa assessment sa DOH-10, nagpakita sa hustong gabayan ug step by step protocols alang sa dungang operasyon sa paghidangat ug pagpanghatag sa COVID-19 vaccine ngadto sa mga hingtungdan nga adunay appointment cards.
Nasayran nga adunay 5.6 million nga Covid-19 vaccine doses gikan sa duha ka pharmaceutical companies ang gipaabot nga mahidangat sa Pilipinas suds a unang quarter.
(Gin Serohijos, RPN DXKO CdO OIC | PIA 10)
