Gihugtan karon sa mga kadagkuan sa Misamis Oriental ang ilang lakang batok Covid-19 ilabi na kay misaka na usab ang kaso niini sa nasud ug nagpahimangno usab ang mga ekspierto sa gawas sa nasud sa bag0ng variant niini nga virus gikan sa Pilipinas. Si Gobernador Bambi Emano sa probinsya mipagula sa mas higpit pa nga travel protocols base kini sa COVID-19 Inter-Agency Task Force resolution nga nagtugot sa local governments pagtakda ilang kaugalingong lagda ngadto sa mga travelers, sumala pa ni Provincial health Officer Jerie Calingasan.
Matud pa ni Dr. Calingasan nga ang tanang travelers nganha sa MisOr i-kwarantina sud sa pito ka adlaw gawas lamang kon kini makapakita sa certipiko nga kini nasuta nga negatibo sa Covid-19. Sa iyang kabahin, si Atty. Jeffrey Saclot, spokesperson sa Covid-19 Task Force nga ang maong lakang insakto lamang tungod sa pagsaka sa kaso sa Covid-19 sa nasud.
Gipasabot nga ang executive order nga gipakanaog ni Emano wala lang kini nagpasabot sa mga travelers sa probinsya nga moagi sa Laguindingan airport kon dili sa tanang common ug entry point sud sa Northern Mindanao.
Sa pikas bahin, gibutyag nga 979 gikan sa 1,007 frontliner health care workers sa walo ka tambalanan sa Misamis Oriental ang nahatagan na sa ilang unang vaccine shots.
(Gin Serohijos, RPN DXKO CdO OIC | Provincial Health Office-MisOr)