An mga Senior Citizen nga nag edad nan 90 hangtod 99 years old nakadawat nan Nonagenarian Cash Incentive gikan sa programa nan Probinsya sa Surigao del Norte sa pagpanguna ni Governor Robert Lyndon S. Barbers.
Gipahigayon kuman na adlaw, Nobyembre 15, 2024, didto sa City Cultural Center an paghatag nan cash incentives.
107 ka mga senior citizen gikan sa nagkalain laing barangay sakop nan siyudad an nagpakadawat nan tag P25,000.
Si City Mayor Pablo Yves L. Dumlao II mitambong sa programa sanan nagpaabot nan ija pasalamat sa programa nan probinsya para sa mga senior citizens kay dako an matabang nan ini sa ila mga panginahanglanon hilabi na sa ila mga tambay.
Mitambong sab sa programa si City Vice Mayor Alfonso S. Casurra, Provincial Social Welfare and Development Officer Fe T. Saumat sanan Assistant City Social Welfare and Development Officer Mark Caven Salar.
(Source: Surigao City PIO)