Opisyal nang giablihan ang Misamis Oriental Tourism Week 2026 nga gipahigayon sa Provincial Capitol Grounds sa Cagayan de Oro City, diin gipakita ang nagkalain-laing kultura, tradisyon, mga destinasyon, produkto ug talento sa mga lungsod ug lungsodnon sa Misamis Oriental.
Sa Pasundayag, nahimong Grand Winner ang Nipa Festival sa El Salvador City, samtang 1st Runner-Up ang Lantawanan Festival sa Initao ug 2nd Runner-Up ang Lagon-lagon Festival sa Lagonglong.
Nagpadayon ang selebrasyon hangtod Septiyembre 18, uban ang Kinaham sa MisOr: A Food Expo and MOHARA Exhibit, MisOr Singing Ambassador Contest, mga training sa content creation, marketing ug events management, tourism awareness seminar, ug uban pang kalihokan.
Sa Septiyembre 18, ipahigayon ang Tourism Awards and Closing Ceremony gikan alas-1 hangtod alas-3 sa hapon sa Provincial Capitol Grounds. Tumong sa selebrasyon nga mapalambo ug mapasiugda ang adunahang kultura, pagkaon, tradisyon, mga destinasyon ug turismo sa Misamis Oriental.