Usa ka 21 anyos nga lalaki ang gidakop sa mga personahe sa kapulisan homan kini malambigit sa gikataho nga tresspas to dwelling nga insidente sa usa ka balay mga 10:25 sa gabii niadtong Septiyembre 13, 2026, didto sa Igot, Barangay Estaka, Dipolog City, Zamboanga del Norte.
Ang maong insidente gitaho sa Dipolog City Police Station (Dipolog CPS) mga alas 10:30 sa gabii,samtang ang mga mirespondeng personahe miabot sa lugar nga nahitabuan mga alas 10:33 sa gabii, o sulod sa tulo (3) ka minuto gikan sa oras nga gitaho ang insidente.
Sa inisyal nga imbestigasyon nagbutyag nga ang suspek giingong misaka sa perimeter fence sa balay ug nakit-an nga nagtago sulod sa establisemento.
Usa ka katabang sa balay ang nakadiskubre sa suspek ug dayon gipahibalo ang tag-iya sa balay diin human niini, nakita sa tag-iya sa balay ang suspek nga nagtan-aw sa mga bintana sa balay ug naningkamot nga makasulod, hinungdan nga nangayo kini og pakitabang sa otoridad nga dali ra usab nga girespondehan sa mga personahe sa Dipolog CPS ug nadakpan ang suspek sa lugar.
Ang dinakpan gipahibalo sa iyang mga katungod sa konstitusyon ug gidala sa estasyon sa pulis, diin siya nagpabilin ubos sa kustodiya sa pulis samtang naghulat sa pagpasaka sa angay nga reklamo kriminal.(MEDALYN U. BORJA)
Source: ZNPPO