Bilangguan ang gipadulngan karon sa usa ka 30 anyos nga wanted person homan kini masikop atol sa pagkuha niini ug Police Clearance mga alas 4:00 sa hapon niadtong Septiyembre 14, 2026, didto sa Barangay Uno, Katipunan, Zamboanga del Norte.
Ang maong dinakpan nga wanted person naila nga usa ka lalaki kinsa gidakop sa mga personahe sa Katipunan Municipal Police Station (Katipunan MPS) human sa usa ka beripikasyon sa rekord nga nagpakita sa kasamtangang warrant of arrest batok kaniya.
Ang pag-aresto gihimo human ang indibidwal nag-aplay alang sa National Police Clearance diin atol sa proseso sa beripikasyon, nadiskobrehan sa mga personahe pinaagi sa e-Warrant database nga siya adunay outstanding warrant of arrest tungod sa paglapas sa Section 10(a) sa Republic Act No. 7610, o ang Special Protection of Children Against Abuse, Exploitation and Discrimination Act, nga nalista ubos sa Criminal Case No. 27767.
Ang warrant gi-isyu sa Regional Trial Court, Branch 3, Ninth Judicial Region, Dipolog City, Zamboanga del Norte, nga gipetsahan og Enero 28, 2025, uban ang girekomendar nga piyansa nga PHP 80,000.00 alang sa iyang temporaryong kagawasan.
Ang dinakpan gipahibalo sa iyang mga katungod konstitusyonal ug gidala sa Rural Health Unit (RHU) sa Katipunan alang sa medikal nga eksaminasyon ug anaa na kini karon sa kustodiya sa Katipunan MPS alang sa hustong disposisyon ug angay nga mga proseso sa korte.(MEDALYN U. BORJA)
Source: ZNPPO