Cebu City – Gipaabot nga maka dawat ang mga trabahante sa pribadong establisimento ug mas dako nga take-home pay sa dili pa matapos ang tuig.
Kini tungod kay ang tanang mga employers nga ni deferred o ni delay sa pag bayad sa holiday pay gitakda nga mohatag sa Disyembre 31, 2020 o mas masayo pa.
Sud sa pipila ka buwan sukad niadtong Abril hangtud sa Oktubre 2020, gitugtan ang mga employers nga dili lang una maka hatag o ma delatar ang holiday pay tungod sa nahitabong national emergency gumikan sa Covid-19 nga pandemya.
Ang nahimong resulta, matod ni DOLE-7 Regional Director Salome O. Siaton nga gi inat inat lang sa mga trabahante ang ilang sweldo gikan sa employers human kuhai sa mga mandatory obligations, minus ang holiday pay.
” This time, we are reminding the employers of their obligation to pay qualified workers with their holiday pay
before the year ends”, matod pa ni Director Siaton.
Gidugang ni Siaton nga ang DOLE mitabang na sa mga employers nga maka balik sa mas maayong financial position taliwa sa pandemya pinaagi sa pag postpone sa pag bayad sa holiday pay.
Ning panahona, matod pa sa director, nga higayon na nga ma enjoy na sa mga trabahante ang ilang gitrabahoan. (Jhon Tadlip/JTY)
(Source & photo courtesy of DOLE-7)
