An tigum kuman hapon Hunyo 11, 2021 sa Provincial Inter Agency Task Force tagpanguyohan ni Vice Governor Eddie “Geed” Gokiangkee Jr. nagkasabot na dili na mag MECQ an syudad sanan tuyo ka munisipyo sa Claver, Malimono sanan Alegria. Nagsugyot isab an iban mga mayores nga kon aduna may pagtaas sa Covid cases, ipatuman na lamang an granular lockdown.
Samtang an lungsod sa Mainit gustong mapailayom sa MECQ tungod kay misaka ngadto sa 16 an ila aktibong kaso.
Tagtan-aw sa mga kadagkuan na makabangon an ekonomiya sa atong lalawigan busa dili na ipadajon an MECQ sa pipila ka lugar.
Samtang may mipaabot nan pangutana kan Atty. Manuelito Delani kon pwede na ba mangaligo? Pwede na mangaligo apan tagpaklaro na motuman gihapon sa health protocols. Kinahanglan balansehon an tanan na bisan mitaas an kaso, an ekonomiya kinahanglan makabangon.
Kinahanglan magdaya gihapon sa quarantine pass sa syudad, gamit sa e-health pass, body temperature checking inigsuyod sa tindahan, physical distancing sanan maghugas sa alima gamit an alcohol o handwashing kits.
An curfew sa syudad balik sa 11:00PM. Sa vigil dili pwede an mag-inom sa ilimnong makahubog, immediate members of the family lamang sanan tuyo ka adlaw lamang an “wake” sanan bawal an sugal.
An pagbaligya sa ilimnong makahubog taman lamang sa alas 5 sa hapon.
Samtang dili na mopagawas nan executive order an gobernador bahin sa pagtapos sa MECQ sa pipila ka mga lugar dinhi sa Surigao del Norte. (RPN DXKS Surigao)
