Cagayan de Oro – NAGPAHIGAYON og peace rally ang mga apektado sa demolition sa umaabot Abril 1 sa Barangay Patag.
Atubangan sa kampo sa 4ID Philippine Army.
Ubay-ubay ka residente ang miduyog sa nahisgutang kalihokan.
Bitbit sa mga residente ang karatula ug mabasa ang mga pulong sa ilang pagsupak sa maong pagbalhin.
Kahinumdoman nga mismo si 1st District Representative, Cong. Atty Lordan Suan supportado ang maong pagbalhin kanila.
Una nang giingon ni Suan nga Usa ka importanting hisgotanan mahitungod na sa umalabot nga demolisyon sa mga panimalay sulod sa Kampo Evangelista ang gilakbitan dipalang dugay ni uban ni MGen Jose Maria Cuerpo, kini atol sa 4th ID Philippine Army Talk to Troops session diha sa Barangay Patag ning syudad.
Hisayran nga karong umalabot Abril 1, 2024 na ang demolisyon sulod sa maong kampo, hinungdan nga gikaguol kini pag-ayo sa kongresista ingon man sa mga residente nga apektado, asa kini sila wala pay kasiguraduhan sa ilang kabalhinan.
Gitinguha karon ni Kongresista Suan nga mahatagan sa igo nga panahon ang mga lumolupyo hangtod mahuman ang tuig sa klase diin gi-presentar sa nasangpit nga kongresista ang usa ka sugyot sa pagbuhat og on-site relocation nga pagabalhinan sa mga malakip sa demolisyon diin kasamtangan kining sutaon ug tun-an sa 4th ID.
News and photo courtesy of CIO CDO