28.7 C
Manila
Monday, April 15, 2024

Mga pulitikong nasa ‘narco-list’ bawal sa PDP-Laban

- Advertisement -

Bawal sa PDP-Laban ang mga pulitikong kasama sa ‘drug list’ ng Philippine Drug Enforcement Agency o PDEA.

Ito ang inihayag ni PDP-Laban President Senator Koko Pimentel sa harap ng rekomendasyon ng Department of Interior and Local Government (DILG) sa Commission on Elections na i-disqualify ang mga kandidato na nasa ‘narco-list’.

Pagtitiyak ni Pimentel, walang tatanggaping ‘narco-politician’ ang kanilang partido.

Sakali aniyang may makalusot o magkamali sila sa pagtanggap sa mga nasa ‘drug list’ ay merong mga komite ang partido na puwedeng mag-repaso at mag-reject sa membership application ng mga ito.

Puwede rin aniyang mapatalsik ang mga kandidato na mapatutunayang may paglabag sa patakaran ng kanilang partido.

Una rito sinabi ng DILG na mayroong 93 local officials ang nasa ‘narco-list’ kung saan 58 dito ay mga alkalde.—AR

(Ulat ni Cely Bueno)

 

 

 

- Advertisement -
- Advertisement -

Related Articles

- Advertisement -
- Advertisement -

Latest Articles

- Advertisement -