Mga Pinoy abroad na nagpositibo sa COVID-19 pumalo na sa 10,438 —DFA

Pumalo na sa 10,438 ang bilang ng mga Pilipinong dinapuan ng coronavirus disease 2019 (COVID-19) sa ibayong dagat dahil limang bagong kaso na naitala ng Department of Foreign Affairs (DFA).

Batay sa pinakahuling case bulletin ng DFA, 6,654 pa rin ang total recoveries habang nananatili naman sa 791 ang kabuuang bilang ng mga nasawi o death toll.

Sa nabanggit na tally, ayon sa DFA, nasa 2,993 na lamang ang aktibong kaso.