Tungod sa napabalitang nagpositibo sa covid 19 sulod sa sabungan gilayong gimandu ni Gensan City Mayor Ronnel Rivera ang pag recall sa tanang na issue nga permits sa tanang sabungan kon cockpit arena sa syudad sa Gensan epektibo karong adlawa.
Kini ang kumpirmasyon sa Mayor sa dihang nahinabi sa mga media sulod sa Taskforce Gensan atoll sa gipahigayong gift giving sa mga rebel returnees .
Matud pa sa Mayor nga niabot nga report sa iyang buhatan ug Gensan IATF kon Inter-Agency Taforce nga aduna na untay nakatakda nga derby or pasabong sa mga manok apan karon pa lamang gipakansela una kini aron malikayang ang pagkatag sa covid 19 virus .
Dugang nasayran nga girekomendar usab ni Kapitan Tata Dupalco sa Barangay Calumpang nga temporaryong ipasirado ang sabungan sa naasoy nga barangay tungod sa na report nga duha ka tawo nga nagpositibo sa covid 19.
Dili gusto ang mga barangay officials nga didto magsukad ug mokatag ang covid 19Â diri sa Gensan virus mao nga gusto niining maniguro .
Kasagaran sa problema mao nga tungod sa kadaghan sa mga tawo sulod sa sabungan panahon sa derby wala na ma observe ang social distancing kon mga health protocols ug dilikado nga motakod ang covid 19.
Gipa- cancel na usab ang uban pang nakatakda nga derby sa ubang mga sabungan dinhi sa syudad ug kasamtangang naka recall ang tanang mga permits aron walay mahitabong face to face sabong kon cockfighting sulod sa mga cockpit arena . Hugot usab nga gidili ang mga sabong sa mga barangay kon tigbakay karong panahona .
(Roniel Degorio –RPN DXDX Gensan)