MGA PASAHERO SA BACHELOR BUS GIKAN BUTUAN CITY NA PARA SA SYUDAD I-RAPID TEST, INI AN TAG-ANUNSIYO NAN CITY GOVERNMENT BASI SA PAMAHAYAG NI ATTY. JERRY CENTRO.
Bisan 8 na an positive sa ciudad, sa latest meeting na tagpatawag ni Mayor Ernesto Estong Matugas, dili makabalibad an syudad sa pagpauli sa mga LSI sanan ROF.
An mga magpositive sa Rapid Antibody Test ipailayom sa swab test ug ipadaya sa Southern Philippines Medical Center sanan huyaton unoy result, ibutang sila sa quarantine facility nan syudad.
Plano kuman na i-limit an mga biyahe, an lumon na moabot sa Bancasi Airport na kuhaon sa ila private car moagi gihapon sa rapid test. An mga bus na bound for Surigao City kuhaon sa bus didto sa Surigao del Norte Provincial Hospital hampan dayhon sa Eva Macapagal Passenger Terminal rapid testing center. An Bachelor bus na mosuyod sa syudad bakante na dapat aron pagsiguro na wayay pasahero na makasibat. Plano isab na pabayran na an rapid testing. An isa ka rapid test mokantidad sa 1,250pesos. (RPN DXKS)
Â