Mihilak sa kalipay ang mga pamilya nga apektado sa court order demolition human sila gitabangan ni Mayor Rolando `Klarex’ Uy aron mahatagan og lugway ang pag-demolish sa ilang mga balay diha sa Zone 5, Scions Barangay Kauswagan.
Mokabat sa 27 ka pamilya ang mawad-an sa ilang pinuy-anan karong Hunyo 21, 2023, nga maoy gikatakda nga adlaw sa pag-demolish sigun sa kamandoan sa korte hinungdan nga miadto sa buhatan ni Mayor Klarex ang ubay-ubay ka mga pamilya.
Gisuwayan paghangyo ni Mayor Klarex ang sheriff nga lugwayan una ang pag-demolish samtang gipaningkamotan pa sa syudad nga mapangitaan og relokasyon ang maong mga pamilya.
Samtang usa sa nakita nga tabang sa syudad mao ang paghatag kanila og relokasyon nga yuta lamang diin sila na ang magtukod sa ilang balay.
“Matag usa ka problema adunay liboan ka solusyon. Basta akong paningkamotan nga matabangan mo,” pamahayag ni Mayor Klarex ngadto sa mga apektadong pamilya.
News and photo courtesy of CIO CDO