GIPASIDUNGGAN ang Oro Youth Development Office (OYDO) isip usa sa mga national awardee sa ‘Top 25 Outstanding Local Youth Development Office Award’ sa 4th Philippine Sangguniang Kabataan Awards, atol sa ‘Youth in Good Governance Fair’ ug kasaulogan sa 125th National Independence Day, Hunyo 12, nga gipahigayon sa Iloilo Convention Center, Iloilo city.
Mismo si OYDO OIC Lord Saver Centina ug OYDO Youth Development Officer Josef Al Carmel Obenza ang midawat sa maong award.
Ang maong award nag-ila sa mga Local Youth Development Office (LYDO) sa tibook nasud tungod sa ilang pagpaningkamot ug pag-abante sa interes sa mga kabatan-onan sa local level, ug pagpalig-on sa pundasyon nunot sa paglambo sa nasud nga insiyatiba sa 4th Philippine SK Awards nga gi co-present sa Galing Pook Foundation, Gerry Roxas Foundation ug Unilab Foundation.
Kahinumduman nga si Mayor Klarex Uy giila isip isa sa mga Youth champion sa nasud alang sa iyang hugot nga suporta ug pag-hatag og bili sa mga kabatan-onan, usa sa mga hinungdan sa kalampusan sa OYDO.
News and photo courtesy of CIO CDO
