Cagayan de Oro – Niperma sa Sister City Partnership On Road Safety tali sa mga dakbayan sa Cagayan de Oro ug Zamboanga City nga gipahigayon niadtong Sabado sa hapon (Sept. 7) sa usa sa mga hotel sa dakbayan.
Lakip sa nitambong alang sa Cagayan de Oro City Hall ang mga sakop sa 20th City Council pinangulohan ni majority floor leader Edgar Cabanlas, kinsa maoy nirepresentar ni Mayor Rolando ‘Klarex’ Uy sa pagpirma sa kasabutan.
Anaa usab ang mga department manager sa City Hall nga naglakip ni City Administrator Roy Hilario Raagas; Mayor’s Chief of Staff Shiela Lumbatan; ug ang hepe sa Roads and Traffic Administration (RTA) nga si Engr. Nonito Oclarit nga maoy niduso sa kasabotan uban ni Konsehal Romeo Calizo, chairman sa committee on public order and safety sa City Council.
Ang Zamboanga City contingent gipangulohan ni Mayor John Dalipe.
News and photo by CIO CDO