Iriga City – Tanganing dai ikaag sa mas higot na quarantine level an rehiyon kan Bicol kinakaipuhan na gibohon kaini an magkakanigong lakdang sa pag-laban sa nagdadakol na numero kan covid-19 sa rehiyon.
Iyo ini an napagkasunduan matapos an virtual meeting kan Bicol IATF kan nagtalikod na aldaw na partisipante an mga local na opisyal poon sa Gobernador, mga City asin Municipal Mayor asin iba pang 1ahensya kan gobierno.
Kabali sa mga bagong patakaran na susunudon iyo an mga minasunod:
- Pagkaag nin Regional Border Control Teams sa mga lugar na mayo pa asin paghigpit sa Bicol-Quezon border tanganing masara asin dae makalaog sa Bicol Region an Corona Virus na posibleng dara kan mga tawo na hale sa NCR asin CALABARZON areas lalo na;
- Paghagad sa gobyerno nasyonal nin rapid antigen test kits asin iba pang supply na kaipuhan sa mga borders;
- Pag-implementar nin magkakanigong intervention/ control measures sa mga probinsiya, ciudad asin munisipyo sa Bicol Region tanganing mapugulan an padagos na paglakod nin COVID19.
Base sa assessment kan DOH sa ginibong BIATF meeting, MODERATE an level of risk to COVID19 sa Naga samantalang GCQ an satuyang Community Quarantine Decision.
Habo po kan mga local na opisyal na maglala an sitwasyon o na kita mapasairarom sa GCQ o ECQ. Nin huli kaini asin sa pagtulod kan DOH asin DILG ipapadagos ta an pagpautob nin mga Intervention/ Control Measures na nakapalaman sa naenot nang ipinaluwas na EO 2021-006.
(Source: Provincial Office of Camarines Sur)