Mga Opisina Sa City Hall Nag-Skeletal Human Ang Mga Kawani Gi-Deploy Isip Cashiers Sa Ayuda Payout

0
280

Muabot ngadto sa 600 ka mga empleyado sa city hall ang gi-deploy isip cashier matag adlaw sa nagpadayon nga ‘ECQ Special Ayuda’ payout sa matag barangay ning syudad.

Sumala ni Mimsy Mayuman, City Human Resource Management Officer, nga halos tanang departamento ug opisina sa city hall ang nagpadala og mga volunteer-cashiers sa payout, gawas lang sa JR Borja General Hospital, City Health Department ug City Health Insurance Office.

Apan gisiguro usab ni Mayuman nga magpadayon gihapon ang serbisyo sa city hall, sanglit adunay mga personahe nga gibilin isip ‘skeletal force’ sa matag opisina aron pag-atiman sa mga kliyente.

Ang ‘ECQ Special Ayuda’ distribution sa syudad nagsugod niadtong Agosto 6, diin nagtambayayong ang national government pinaagi sa Department of Social Welfare and Development, LGU-CDO, barangay government ug nagkadaiyang mga volunteers sama sa city scholars, SPES beneficiaries ug uban pa.

(Source: Cagayan de Oro City Philippines Facebook page)

Leave a Reply