Cebu City – Miabot og halos 300 ka tawo ang nangatanggong sa pantalan dihang gipahibawo sa Philippine Coast Guard (PCG) ang pagsuspenso sa mga biyahe sa kadagatan gahapon sa buntag dihang giisa ang signal no. 1 sa amihanan ug tunga-tungang Cebu.
Hangtod sa alas 11 nianang buntag, gibutang sa signal no. 1 ang mga lungsod sa Daanbantayan, Medellin, Bogo City, San Remigio, Tabogon, Borbon, Tabuelan, Sogod, Tuburan, Catmon, Carmen, Danao City, Bantayan ug Camotes Islands, Asturias, Balamban, Compostela, Liloan, Cebu City, Mandaue City, Lapu-Lapu City, Consolacion, Cordova, Toledo City, Talisay City, Minglanilla, Naga City, Pinamungahan, San Fernando, Aloguinsan, ug Carcar City.
Base sa unang ihap, 287 ka sumasakay ang wala madayon paglawig.
Nianang udto, 184 ka pasahero ang wala makabiya sa dunggoanan sa northern Cebu samtang 77 ka rolling cargoes ug 14 ka ubang barko ang gigaid.
Ug sa Central Cebu, labing menos 103 ka tawo ang natanggong nga gilangkoban sa 63 nga padung untang molawig sa Camotes gikan sa Danao, 30 sa Cebu City, ug 10 sa Dunggoan. (Jhon Tadlip/JTY)
(News & photos courtesy of Philippine Coast Guard-Cebu Station)
