Mga nasawing Pinoy sa pagsabog sa Beirut, Lebanon sumampa na sa 4 —DFA

Umakyat na sa 31 ang bilang ng mga Pilipino na sugatan, habang nasa 4 naman ang nasawi sa nangyaring pagsabog sa Beirut, Lebanon.

Ito ay kinumpirma ng Department of Foreign Affairs (DFA) kasunod ng pahayag na dalawa sa mga sugatang Pilipino ay nasa kritikal na kalagayan at patuloy na ginagamot sa Rizk Hospital sa Beirut.

Tiniyak naman ng Philippine Embassy sa Beirut na tututukan nila ang pangangailangan ng mga naapektuhang Pilipino.