Dakpan sa mga personahe sa Tubod Municipal Police Station ang mga suspetsado sa illegal cockfighting didto sa Sitio Mahukdam, Brgy. Capayahan, Tubod, Surigao del Norte niadtong Domingo, Agosto 2 human nga nadawat ug girespondehan sa kapulisan ang tawag gikan sa usa ka concerned citizen mga alas 2:15 sa hapon diin ang mga sugarol isig panagan pagkamatikod sa kapulisan.
Naila ang tulo (3) ka mga nadakpang suspetsado nga mao sila ni;
1) RAFFY VERTUDAZO MAIQUE, 33 anyos, minyo, panday, lumulupyo sa Purok 5, Brgy. Timamana, Tubod, SDN;
2) MAXIMINO IBARRA AGUIMAN, 60 anyos, minyo, mag-uuma, lumulupyo sa Purok Kasilak, Brgy. Poblacion, Tubod; ug
3) JAY AR APOLONIO BAUTISTA, 41 anyos, minyo, construction worker, lumulupyo sa Purok 2, Brgy. Marga, Tubod.
Nakompiskar gikan sa possession ug control sa mga suspetsado ang;
a) duha (2) ka dead fighting cocks; ug ang
b) usa (1) ka Sky Go motorcycle nga gipanag-iyahan ni Maique.
Ang mga nadakpang suspetsado gidala sa Tubod MPS. (Jun Prex Salubre, Ronda 6 RPN DXKS)
