Cagayan de Oro City – Gilantaw nga dili sa una tugutan ang mga residente sa syudad sa Cagayan de Oro nga mamisita sa mga sam-ang sa ilang mga mahal sa kinabuhi atol sa kasaulugan sa kalagkalag sa November 1 ug 2 gumikan sa COVID-19 pandemic. Kini ang gisugilon ni City Mayor Oscar Moreno sa Cagayan de Oro tapos niya nahinabi ang mga department heads sa City Hall tungod sa kakuyaw pa sa panahon.
Sa usa ka press briefing nga gipahigayon sa City hall gisugilon sa mayor nga ang City Local Environment and Natural Resources Office nangita karon sa mga pamaagi sama sa color coding aron adunay restriction ang dagan sa mga katawhan diha sa pribado ug pampublikong mga menteryo. Giila ni Mayor Moreno nga usa ka dakong hagit alang kanila ang pagpatuman unya sa social distancing sa public cemetery nga Bolonsori apan ila kining gipangitaan sa mga pamaagi.
Apan gidugang sa pagsugilon sa Mayor nga kon mosamot pa ang kahimtang sa COVID-19 cases sa palibot, mapugos gayod ang gobierno sa pagsira sa mga public ug private cemeteries ug diha na lamang sa tagsa-tagsa ka panimalay maghandum sa mga gimbuhaton alayon sa maong celebrasyon. Mao ang mga residente sa syudad kanunay gayod gipahinumduman sa pagsunod sa minimum health standards sa gawas sa matag puluy-anan ilabi na kay aduna pay pasko ug bag-ong tuig nga selebrasyon, suma pa ni Moreno. (City Information Office)