Cebu City-Nag-hire og labing minos 93 ka registered nga Medtech o medical technologist ang mga awtoridad agig pangandam sa massive ug targeted testing sa coronavirus disease o Covid 19 sa mga siyudad sa Sugbo, Mandaue ug Lapulapu.
Sa giluwatang statement, ang Philippine Association of Medical Technologists o Pamet Cebu miingon nga nagkinahanglan sila sa mga medical technologist aron makaabag sa massive testing sa tulo ka dakbayan.
Segun sa statement, ang PAMET Cebu gisungko sa OPAV o Office of the Presidential Assistant for Visayas uban sa tulo ka siyudad ug sa Department of Health o DOH 7 alang sa targeted ug strategized testing sa COVID-19.
Midugang ang PAMET-Cebu nga ang matag kalipikadong aplikante suweldohan og tagsa ka libo ang adlaw gawas sa ihatag nga PPE o personal protective equipment ug ubang logistical needs.
Ang mga registered medical technologists makig-uban sa  team sulod sa napu ka adlaw ug ipakatap sa tulo ka dagkong siyudad sa Metro Cebu.
Kadtong mga interesado magpada lang sa ilang ngan, edad, contact no. ug address sa email address nga infocovidlab17@gmail.com Â