Radio Philippines Network
DYKC Cebu News Provincial News

Mga Medical Workers Sa Cebu Nga Gipada Sa NCR Makadawat Og Tag ₱70K

Cebu City – Gipaabot nga makadawat og cash incentive nga tag-₱ 70 mil ang matag usa sa 50 ka medical workers sa Cebu nga gipada sa NCR o National Capital Region aron pagtabang pag-atubang sa mga pasyente sa Covid 19.

Ang naasoyng insentibo gikan sa OPAV o Office of the Presidential Assistant for the Visayas, Cebu Provincial Government, ug Cebu City Government.

Si Presidential Asst. for the Visayas Michael Dino misaad og tag-₱ 5,000 matag buwan nga cash incentives sa matag medical worker nga misugot nga idestino og tulo ka buwan sa Metro Manila.

Si Gob. Gwendolyn Garcia mi-grant usab sa mga front-liners sa samang kantidad uban sa supplementary medicines, ug laing ₱ 10,000 sa ilang pagbalik sa Cebu.

Ang kagamhanan sa dakbayan sa Sugbo pinaagi ni Konsehal Raymond Garcia, mipahibawo nga mohatag sila sa mga medical workers og ₱ 30 mil sa ilang pagpabilin sa NCR.

Sa nasayran, gipada na gahapon ang 50 ka medical health workers sa kaulohan aron pagtabang nga moluag-luag ang mga ospital sa naasoyng lugar.

Samtang si Dino miingon nga 66 ka health workers gikan sa Kabisay-an ang ipada sa Metro Manila karong semanaha. (Jhon Tadlip/JTY)

(Source: OPAV | Cebu Provincial Government | Cebu City Public Information Office, photos courtesy of DOH 7)

Related posts

Alleged ASG Member Arrested At Purok 1, Brgy. Aguada, Isabela City, Basilan

RPN

Walay Quick Response “QR” Code, Dili Kasulod Sa Munisipyo

RPN

1 Died, 4 Hurt In Road Crash Accident At Purok Quirino, Brgy. Poblacion, Diplahan, Zamboanga Sibugay Province

RPN