Nasabat ng mga otoridad ang animnaraang libong pisong halaga ng karne ng baboy, na kontaminado ng A-S-F o African Swine Fever sa Olangapo City.
Ayon kay Jerome Martinez, Manager ng S-B-M-A Seaport Dept., dumating ang mga karne ng baboy lulan ng isang van sa subic noong Mayo 27.
Aniya, idineklara itong naglalaman ng mahigit 2 libong package na umano’y “Food Items” para sa isang Trading Firm sa Makati City.
Kaugnay nito sinabi rin naman ni Martinez na nagmula ang mga karne ng baboy sa Guangzhou sa China, kung saan nakatakda naman itong sirain ng Bureau of Customs, batay na rin sa naging rekumendasyon ng Bureau of Quarantine Services.