GENERAL SANTOS CITY- Tungod sa gipagawas nga ordinansa sa munisipyo sa Glan, Sarangani Province nga gidid-an ang mga mananagat nga mosulod sa ilang kadagatan, nagpatabang na ang komitiba sa panagat sa Sangguniang Panlungsod ngadto sa Protected Area Management Board.
Tumong niini nga mahimoan og paagi ug masulbad ang problema sa mga gagmay’ng mananagat sa GenSan kalabot na sa maong resolusyon.
Sumala pa ni Kagawad Brix Tan, nga mihimo na og lakang ang PAMB ug nanginaut kini nga masolusyonan ang maong problema.
Samtang sa pamahayag usab ni Timoteo Labasa, Vice Chairperson sa City Fisheries Aquatic Resources Management Council dili pa sila kumporme sa lakang tungod nagapadayun ang pagpanakop sa ilang mga bangka kon musulod sa Glan ug dunay multa nga ₱3,000.