Mga lugar sa Mindanao na niyanig ng lindol pinatututukan na sa DPWH

Inatasan na ang Department of Public Works and Highways (DPWH) na magsagawa ng assessment sa mga gusali at imprastraktura sa bahagi ng Mindanao na apektado ng magnitude 6.3 na lindol.

Ayon kay DPWH Secretary Mark Villar, partikular na kanyang pinatututukan ang mga lugar ng Davao, Davao Del Sur, South Cotabato, North Cotabato, Agusan Del Sur, Bukidnon, Saranggani, Sultan Kudarat at Zamboanga.

Matatandaang dalawang lindol ang naitala sa bahagi ng Mindanao kahapon at kaninang umaga na siyang dahilan ng pagkasawi ng apat na katao.