Dakpan an duha ka tricycle drivers sanan an isa ka negosyante kaganihang buntag tungod sa kargang kinahon nga beer para Siargao.
Magka alas onse singko sa buntag sa Disyembre 9, 2020, nakadawat nan tawag an Surigao City Police Station gikan sa usa ka concerned citizen nga nagsumbong na may duha ka tricycle nagparada sa Parola Boulevard, Brgy. Taft, Surigao City na kargado sa kinahon kahon na beer.
Sa pagsusi sa kapulisan, nakilay-an an mga drivers na amo sila Rolando Cabanes Galing, 21 anyos ulitawo na taga P. Reyes Ext., Brgy. Taft, Surigao City sanan si William Ereso Gohil, 50 anyos minyo na taga Sitio Tumanday Purok 2, Brgy Rizal Surigao City. May isa pa ka babayeng negosyante na si Christine Gohil Lipio, 30 anyos minyo na taga Purok Diamond, P. Reyes street, Surigao City. Sila sikop sa akto na amoy nagdaya sa mga kontrabandong makahubog.
Sa imbestigasyon kan Christine, didto kini niya mapalit sa JJBA Enterprises, National Highway, Brgy. Luna Surigao City ug kini pagadalhon unta sa Siargao para sa negosyo.
Impounded kuman sa City Police Station an duha ka tricycle units na jaoy body number SC 0211 sanan may plate no. MS90381 (an driver na si Galing) sanan an isa SC 0795 na may plate number 2967LU (driver William Ereso Gohil).
Giimbargo isab an 48 ka botelya na Red Horse sanan San Miguel Beer na mikantidad sa ₱ 12,000.00.
Samtang kasohan an mga suspects sa Violation of EO 69 sec. 7, (Liquor Ban) RA 11332 sanan Art. 151 Disobedience to a person in Authority.