29.5 C
Manila
Friday, March 29, 2024

Mga kanhing rebelde nga mibalik sa sabakan sa balaod nakadawat ug pahalipay gikan sa Rotary Club of Central Surigao

- Advertisement -

Gigaquit, Surigao del Norte – Beynte Kwatro (24) ka mga kanhing mga rebelde nga nag balik-loob nga anaa ilalum sa pag atiman sa kasundaluhan sa 30th Infantry (Fight On) Battalion ang nakadawat ug hinabang gikan sa Rotary Club of Central Surigao sama sa food packs, cash assistance, mga pantalon, sandals ug tsinelas karung adlawa, Miyerkules petsa katorse ning bulan sa Disyembre kasamtangang tuig, nga gipahigayon sa Headquarters 30IB, Barangay Mahanub, Gigaquit, Surigao del Norte.

Ang maong programa nahimong posible ug nag malampuson pina-agi sa pag tinabangay sa mga kasundaluhan sa 30th Infantry (Fight On) Battalion ilalum sa pagdumala ni LTC JEROLD H JALE ang Commanding Officer niini ug mga opisyales sa Rotary Club of Central Surigao sa panguna sa Presidente niini nga si MR ANTONIO YU ug sa ilang District Assistant Governor MR JAIME KANG.

Sa pahayag ni MR ANTONIO YU, “Ang maong gimbuhaton sa organisasyon gimugna para pag hatag ug tabang engun man pahalipay sa atong mga kaigsoonan nga nibalik pasilong sa sabakan sa balaod labi na niining panahon sa kapaskohan. Tumong ug tinguha niini nga mahatagan sila ug uportunidad ug pag–asa ug maka-awhag pa sa mga rebelde nga anaa pa sa kabukiran nga munaog ug mupasilong sa pang gobyerno”.

Matud pa ni Nikki Penaw @CYRIL, usa sa mga kaning rebelde nga nagbalik loob ug binipisyaryo sa maong gimbuhaton, “Dili na maihap ang hinabang nga gikan sa nagkalain-laing sektor ang among nadawat sugod sa among pag pasilong ilalum sa balaod, aku uban sa akung mga kaubanan nga nag balik-loob, kami! nga mga buhing saksi sa kamaayo sa gobyerno pinaagi sa mga kasundaluhan sa 30IB, mga sector sa katilingban mapa public man o pribado diha sa paghatag ug hinabang namu ug paglaum. Busa, nanawagan ko sa akung mga kanhing kaubanan nga anaa pa sa kabukiran, nga unta sama namu, balik na kamu sa sabakan sa balaod tungod kay andam ang atong gobyerno pinaagi sa kasundaluhan sa 30IB sa pagdawat ug pag tabang kaninyo”.

Sumala pa ni LTC JEROLD H JALE, ang Commanding Officer sa 30IB, “Aku’ uban ang kinatibukan sa 30IB, mapasalamaton kami sa inisyatiba sa Rotary Club of Central Surigao diha sa pagtabang sa atong mga kaigsoonan nga nibalik pasilong sa tinuod nga demokrasya. Kini nga gimbuhaton naghatag ug daku nga kalipay kanila nga diin usa sila sa nahimong binipisyaryo sa maong programa. Nag pamatuod lng kini nga daghang sektor sa katilingban nga adunay maayong panglantaw ug adbokasiya ug andam nga mutabang sa atong mga kaigsoonan nga nagbalik loob”. Dugang pa niya.

#30ibatongarmy #AFPyoucanTRUST #PhilippineArmy #KapayapaanParaSaLahat #ServingthePeopleSecuringtheLand

(Source: 30th Infantry “Fight On” Battalion, Philippine Army Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -