Nakumpiska sa kapulisan ang mga nagkalain-laing illegal nga pinutol nga kahoy kaniadtong Marso 9 sa may alas 5:00 ang takna sa kahaponon.
Usa ka blue nga dumtruck ang nasikop sa kapulisan sa may Barangay Punta ning dakbayan nga gimanehoan sa usa ka Pamilo Indong Duran Jr., 33 anyos, minyo og lumulupyo sa BARANGAY MALUGAS, KATIPUNAN, ZAMBOANGA DEL NORTE.
Ang dumtruck adunay karga nga tulo ka pinutol sa punoan sa nangka og walo ka pinutol sa punoan sa santol.
Dugang pa, gawas sa illegal logging, wala usab ikapakita nga drivers license ang suspetsado.
Anaa na sa estasyon sa kapulisan ang dumtruck og ang mga karga niining kahoy alang sa tukamang disposisyon.