Sa announcement kuman buntag ni Governor Francisco Lalo Matugas dinhi sa RPN DXKS, kasamtangang gipahimutang sa warehouse sa Provincial Engineering Office an mga ekipo samtang jaon pa sa finishing touches an building laboratory sa Barangay Bonifacio.
Gilauman nga sa entrada sa buyan nan Disyembre, maka operate na an Molecular Laboratory ug kini makaprocess sa 2,000 specimens kada adlaw. An mga swab sample dali nang mahibaw-an an resulta kay dili na man ibiyahe sa Southern Philippines Medical Center kon SPMC didto sa Davao City. Gipaabot isab nga maka operate an GeneExpert Laboratory sa Caraga Regional Hospital na makaprocess nan swab specimens alang sa RT-PCR tests.
Plano isab sa kagamhanan sa lalawigan nga i-swab kon ipailayom sa RT-PCR Tests an tanan mga empleyado sa kapitolyo aron seguradong wayay virus nga makatakod sa isigka trabahante. (RPN DXKS Surigao)
