Dul-an sa 200 ka senior citizens sa Barangay Ilaya ug Barcelona dakbayan sa Dapitan ang nakapahimulos sa libreng bakuna sa flu ug pneumonia.
Kini gipasiugdahan sa kagamhanang probinsyal sa Zamboanga del Norte pinaagi sa Provincial Health Office (PHO).
Si Ms. Liberty Sybico sa PHO ang nagkanayon nga tuyo gihimo sa probinsya sa administrasyon ni Governor Roberto Uy ang pagbakuna sa senior citizens aron malikay sila sa makamatay nga COVID-19 sanglit lagmit ang mga edaran maoy matakdan niini.
Dugang ni Sybico nga libre kining giturok ngadto kanila Kung kini paliton, nagkantidad sa P3,000-P3,500 matag vaccine.
Samtang gikalipay usab sa kapin sa libo ka mga residente sa duha ka barangay kinsa nakadawat usab sa food packs nga gilangkuban sa bugas, sardinas ug noodles pinaagi sa Provincial social Welfare and Development Office (PSWDO).
Si Barcelona Barangay Captain Gregorio Jarapan sa Ilaya, ang mipaabot sa iyang dakong kalipay ug pagpasalamat ni Governor Uy, sa kapikas niini nga si Former Dipolog City Mayor Evelyn Uy sa ilang naangkon nga serbisyo ug sa nadawat nga food packs.
Dugang ni Barangay Captain Jarapan nga gikalipay usab sa mga residente sa Barangay Ilaya ang maong libreng bakuna sa senior citizens ug ang food packs nga ilang nadawat tungod kay wala kini nila damha ug wala sukad nahitabo sa ilang barangay ang libreng bakuna nga ilang naangkon.
Nagpasalamat usab si Kapitan Jarapan ngadto ni Former Polanco Mayor Pinpin Uy sa suporta sa iyang barangay.
Ang maong kalihukan gitrambugan usab nil ani PSWDO Nenita Maningo, Executive Assistant IV Dante Bagarinao ug uban pa. (Provincial Information Center-mbmontederamos)