29.8 C
Manila
Thursday, March 28, 2024

Mga dumuduong gikan sa Metro Manila ug ubang probinsiya gi-ban na sa lalawigan sa Sugbo

- Advertisement -

Cebu City- Nagsugod na ang kagamhanang panlalawigan sa Sugbo pag-ban sa mga bisita gikan sa mga dapit gawas sa probinsiya aron paglikay sa pagkatap sa coronavirus disease kun Covid 19.

Lakip sa gidili ang mga mangabot agi sa tugpahanan sa Maktan ug sa mga pantalan ug kini himoon sulod sa 30 ka adlaw o usa ka buwan.

Mao kini gipahibawo ni Gob. Gwendolyn Garcia atol sa press conference sa Kapitolyo human sa emergency meeting sa inter-agency task force on COVID-19.

Segun pa sa gobernador, ang mga flight gikan sa Metro Manila, ug Dumaguete City gi-ban dihadiha samtang kadtong gikan sa Cagayan de Oro City, Legazpi City, ug Clark karong adlawa pa moepekto.

Ang ubang biyahe sa ayroplano gikan sa domestic destinations i-ban usab sugod ugma, Marso 17, o 72 oras gikan sa pag-anunsiyo ni Garcia sa desison sa Kapitolyo pagsera sa lalawigan sa mga bisita gikan sa ubang probinsiya o rehiyon.

Wala usab liati ang mga dunggoanan tungod kay gimando ang pagpugong sa mga barko gikan sa Dumaguete City sugod usab karong adlawa.

Samtang kadtong gikan sa Guihulngan City, Negros Oriental, ug mga siyudad sa Escalante ug San Carlos, Negros Occidental dii na usab pasudlon sa Cebu sugod ugma.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -