Dali nga giresponde sa kapulisan ang nahitabong sunog sa Purok-5, Brgy. San Juan dakbayan sa Surigao human nila nadawat ang tawag pahibalo sa mao nga insidente. Sumala sa report ni PO3 Lyndon Gerarcas nga sa may ala 1:30 sa kahapunon Enero 3 ning kasamtangang tuig, nahitabo ang sunog sa sulod sa bodega sa mga jaman sama sa sinakong mga sibuyas/bombay ug mga karton nga gipanag-iya ni Matronilo Ambid, hingkod ang pangidaron, minyo, negosyante apan sumala pa nga nadali ra an pagkapalong sa mga trabahante ang sunog. Sinug-an nga katol ang gitoohan nga hinungdan sa sunog ug ang gibana-banang kantidad sa damyos mokabat sa Php 30,000.
Samtang sumpay sa nahitabong insedente sa sunog, sa impormasyong nakutlo gikan na sa Surigao Central Fire Station pinaagi na ni FO1 Boyet Bausing, nga sa may alas 2:15 an takna sa hapon sa parehong adlaw, ilang nadawat ang tawag pahibalo sa nahisgutang sunog sa mao nga warehouse ug sa ilang pag-responde, napalong na ang kalayo pinaagi sa mga trabahante nga diha sa warehouse ug diha usab ang firetruck sa Brgy. San Juan nga maoy unang naka-responde.
Na fire-out ang maong insedente sa sunong sa may alas 2:20 na sa kahapunon ug sa ilang gihimong imbestigasyon nasayran nga katol nga sinug-an ang maoy midukot sa lantay nga gama sa kawayan ug ang damyos sa ilang gibana-bana mokabat lamang sa 500 ka pesos.