Subling gipahinumduman ang mga buros nga mahimo na kamong magparehistro sa CDO COVID-19 vaccine rollout program ug magpabakuna isip dugang proteksyon batok sa virus.
Kahinumduman nga ubos sa advisory 75 sa National Vaccination Operations Center, girekomendar sa Department of Health ang pagpamakuna sa mga buros nga anaa sa ilang second o third trimester.
Giklaro sa DOH nga ang pagburos dili comorbidity o sakit, apan gikonsidera sila sa Expanded A3 priority group gumikan sa ilang secondary immunocompromised state.
Kinahanglan usab nga adunay medical clearance gikan sa attending physician ang mga buros nga buot magpabakuna.
Sa pagkakaron, ang tanang mga bakuna batok COVID-19 sa nasod nga dunay emergency use authorization sa Philippine Food and Drug Administration mahimong itupok sa mga buros, gawas lang sa Gamaleya Sputnik V nga contraindicated sa mga buros ug nagpasuso. (AGP)
(Source: City Information Office, photo courtesy by Maribeth Tanggan Dal | Cagayan de Oro City Philippines Facebook page)