Mga biktima sa linog sa Davao De Oro nakadawat na og cash assistance gikan sa DSWD XI

0
3

Davao de Oro – Gikalipay sa mga residente sa Davao de oro kinsa biktima sa linog ang nadawat nga cash assistance gikan sa Department of Social Welfare and Development Office XI.

Mukabat sa kapin 8.6 million pesos ang giapod-apod sa mga biktima sa linog sa maong probinsiya niadtong Mayo 7,2023.

Gipangunahan mismo ni DSWD XI Regional Director Atty. Vanessa Goc-ong ang paghatag og ayuda pinansiyal ngadto sa mga biktima sa linog gikan sa mga lungsod sa Compostela, Maragusan, Monkayo, Montevista, ug New Bataan, Davao De Oro nga gipahigayon sa miaging adlaw.

Ang pagtunol sa naasoy nga asistensiya pinaagi kini sa nagpadayon nga Emergency Cash Transfer Payout ilawom sa DSWD XI- Disaster Response Management Division alang sa mga biktima sa linog nga nahitabo niadtong buwan sa Marso ning kasamtangang tuig. (Camille Santos Naraga)

(Source: DSWD Davao de Oro)

Leave a Reply