Nipartipisar an mga nagka lain-lain nga asosasyon sa probinsya sa Surigao del Norte sa gipahigayon nga Kadiwa Ng Pangulo nga gipasiugdahan sa Department of Labor and Employment kon DOLE Surigao del Norte Field Office sa pagpanguna ni May C. Velonta an Labor and Employment Office ug Provincial Head.
Si Congressman Robert Ace S. Barbers nga girepresentahan ni Ms. Liza B. Monteros ug mga representante sa Department of Agriculture, Department of Trade and Industry ug si PESDO Manager Arciazel Lagrama sa Surigao Luneta Park maoy nitambong sa maong aktibidad.
An mga asosasyon nga niapil sa aktibidad amo an Capalayan Irrigators Association, Kababayen-an sa Panatao Producers Cooperative, Mabini United Farmers Cooperative, SDN Producers and Exhibitors Association, Mainit Upland Agriculture Producers Association, Hugpong Balibayon Fishermen Cooperative, Hugpong Cantugas Association ug Honrado Agrarian Reform Beneficiaries Cooperative.
Sa mensahe ni Congressman Robert Ace S. Barbers pinaagi ni Ms. Liza B. Monteros nagkanayon nga ija paningkamutan nga makanap pa ug laing pundo para masuportahan an mga programa sa DOLE.
Human sa mubo nga programa nag hatag dajun na mga certificates ngadto sa mga asosasyon ug sa pinasidunggang bisita.
Nag hatag isab nan cash assistance pinaagi sa paningkamot ni Congressman Robert Ace S. Barbers ngadto na sa mga 40 ka mga beneficiaries ug laing 40 sa parkway hotel. (Mark James Lisondra)