Gisulong na usab sa mga rebeldeng NPA ang Sison nung Setyembre 21 samtang ang kapulisan busy sa pag-welcome kang PNP Chief na si General Guillermo Lorenzo Eleazar kinsa nag “command visit and inspection” sa magkaatbang nga headquarters sa Surigao City Police Station ug sa Surigao del Norte Police Provincial Office sa dayan Borromeo ning syudad.
Sa nadawat nga impormasyon, out of town kon waya sa iyang lungsod si Mayor Karissa Fetalvero-Paronia dihang siya maoy gipangita sa mga NPA sa poblacion nga baranggay. Gisulong usab sa mga NPA ang bayay ni Vice Mayor William Avila didto sa Brgy. San Isidro apan waya mogawas sa ila bayay an bise mayor. Gibauran ang bise mayor nga dili pasuportahan si Mayor Karissa sa umaabot nga election.
Nagbahad usab an mga rebelde sa katawhan sa San Isidro na dili pabutaran an Mayor sa iyang subling pagkandidato. Human sa ilang pag checkpoint sa kalsada, mipadulong sa Brgy. Upper Patag an mga NPA nga lantad mipakita sa ilang mga armas na AK47 sanan M203.
Kahinumduman niadtong Enero 28, 2021 gisulong sa mga NPA an Sison Municipal Police Station ug an bayay ni Mayor Karissa gipaulanan isab nan mga bala. Wayay nakalas nga kinabuhi sa kapulisan apan may samdan nga sundalo sa ambush dihang kini pauli na sa kampo gikan sa ilang reinforcement.
Gikontrahan sa mga NPA ang mayor sa Sison human gipasanginlan na kini may kalabutan sa pagpatay kang Rolando Patiño Leyson Sr. o nailang si Tatay Budoy, 78 anyos nga amahan ni Ka Edroy niadtong Setyembre 11, 2020 sa alas 11:30 sa gabii didto sulod sa iyang balay sa Km. 20, Brgy. San Pedro. Naka bonnet ang mihimo sa krimen nga hangtud karon nagsinggit sa hustisya ang mga kabanay sa gipatay tungod kay walay nadakpan o napasakahan nan kaso. Nagduda usab ang pipila ka taga Sison nga militar ang milikidar kang Tatay Budoy agi’g balos sa pagdagit kang Police Staff Sergeant Restie Dandan niadtong Hulyo 31, 2020 didto sa Brgy. San Isidro, Sison ug paglabay sa 18 ka adlaw nakit-ang patay na kini didto sa Matin-ao, Mainit. Si Ka Edroy, anak ni Tatay Budoy, ang pinakataas ug ranggo sa mga NPA nga nag-operate sa Surigao del Norte nga Guerilla Front 16 ug may patong sa ulo nga 5.1 million pesos sa makatudlo aron kini madakpan.
(RPN DXKS Surigao via IE)