Gitubag sa abogado nga nagrepresentar sa Una Mioris Realty Corporation (UMRC) nga mao si Atty. LEONARDO L. DEL CARMEN, JR. ang mga alegasyon sa Presidente sa Payawan II Urban Poor Organization nga mao si Mr. Ramil Suhian.
Sa press conference nga gihimo kagahapon sa buntag, giingon ni Atty. Del Carmen nga wala na gipanag-iya ni Gaudencia Jose ang lote (TCT No. T-11367) nahimutang sa Brgy. Luna (kanhi Barrio Luna nga nahisakop sa Brgy. Mabini) ning dakbayan gumikan kay na-award na ngadto sa pamilyang Fortich basi na sa order ug Writ of Execution gikan sa Regional Trial Court, Branch 29, Surigao City niadtong 2015 ug 2016 ubos sa Civil Case No. 6881.
Gidugang ni Atty. Del Carmen nga ang desisyon sa korte miabot sa Registry of Deeds niadtong Abril 10, 2019.
Panawagan niini ngadto sa mga informal settlers sa nahisgutang lugar nga abli ang Una Mioris alang sa negosasyon. Gani nag offer sila ug relokasyon alang sa mga namuyo sa maong dapit. (Jun Prex Salubre, Ronda 6 RPN DXKS)