35.4 C
Manila
Friday, April 19, 2024

Mga abilidad sa Kabataang Surigaonon masaksihan silom

- Advertisement -

Ipahigayon an Creative Arts Festival silom na adlaw Marso 1, 2024  ala 1:00 an takna sa hapon.

An Culmination Program ipahigayon sa Provincial Convention Center, Capitol, Surigao City, ubos sa pag dumaya sa Surigao del Norte sanan Commission for Culture and the Arts.

Kini amoy tag butyag ni Mr. Athuro M. Cruje an Consultant/Coordinator PGO-Education, Culture and the Arts.

Matud ni Mr. Art Cruje Marso 1, 2024 jaoy ipahigayon na Culmination Program pinaagi sa pag pakita sa mga abilidad ug mga talento sa mga tinun-an na mga  Surigaonon nag tungha sa Sekondarya na may mga lahi lahi na abilidad.

Dinhi ilang ipakita an ilang mga talento sa pa-Contest sa Pinta Karajaw (On the-Spot-Painting) Suyat Salida (Creative Writing) Kanta sa Batang Surigaonon sanan Sajaw sa Dayan.

Matud ni Mr. Art Cruje an kagamhanan sa lalawigan sa Surigao del Norte pinaagi ni Prov`l. Gov. Lyndon S. Barbers nag imbitar sa matag isa o si bisan kinsa aron mo-apil sa selebrasyon sa Provincial Creative Arts Festival 2024 Marso 1, 2024 isip Culmination Activity sa National Arts Month.

An nahisgutang selebrasyon nag integrate sa creative industries sa ato probinsiya subay sa Akta Republika # 11904 na naila na Philippine Creative Industries Development Act”.

Sumaya pa ni Mr. Art Cruje na maoy tinubdan ning maong kasayuran, kini na balaodnon gitambayayongan sa National
Commission for Culture and the Arts ug sa Department of Trade and Industry na an tumong amo an pag istablisar sa paborabli na polisiya sanan governance frameworks for enhancing the global competitiveness sa creative industries.

(Mark James Lisondra, photo courtesy by PIO SDN)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -