Villanueva, Mis. Or. – Padayong giimbestigahan sa Villanueva Traffic Unit sa Villanueva Municipal Police Station ang disgrasya nga nahitabo sa nasampit nga lungsod diin patay ang usa ka 12-anyos bata’ng lalaki ug laing duha samaran human mabangga-e ang gisakyang motorsiklo sa usa ka motorsiklista sa Brgy. Looc, sa maong lungsod.
Naila ang driver sa nabanggaang motor nga si Mark Israel Simbahon, 35-anyos, ulitawo ug residente sa Aplaya, Jasaan ug sakay niini ang duha ka pag-umangkon nga nagpangidaron og 11-anyos ug 12 –anyos.
Samtang giila ang suspek nga si Jomairah Macabudi, 33-anyos, single ug molupyo sa Balo-e, Lanao del Norte.
Sa pakighinabi sa Radyo Ronda team ni Villanueva Municipal Police Station Traffic Investigator Police Staff Sergeant Greg Joe Guco
Iyang gibutyag nga Base sa initial nga imbestigasyon nga lango sa ilimnong makahubog ang suspetsado sa dihang nahitabo ang maong insedente ug andam ang suspek nga mo-abaga sa mga balayronon sa pagpahiluna sa patay’ng lawas sa biktima ug ang medical bills sa duha ka biktima
Samtang nakakustudiya na karon sa billangoan ang suspetsado.
Written by Cheleste Simene