Cagayan de Oro – PATAY ang usa ka menor de edad human malumos sa usa ka dagat ligoanan nga nahimutang sa may Zone 6 Molugan, El Salvador City.
Batang biktima mao si Mark Ryan Mainit, 10-anyos ug residente sa Zone 1-B Brgy. Amoros sa nasampit nga syudad.
Sa pakighinabi sa Radyo Ronda Team ngadto ni ni El Salvador City Police Station Investigator Police Senior Master Sergeant Rodel Lecera, nga
sa ilanh initial nga imbestigasyon mikuyog ang biktima sa uyo-an sa beach aron maligo.
Mikawas ang uyo-an ug biktima og mipaingon sa daplin sa baybay apan taod-taod nananghid ang bata nga maligo og balik sa dagat.
Apan, kalit lamang mi-report ang laing menor de edad sa uyo-an nga nalumos ang nahisgutang bata.
Gilayong gipangita sa uyo-an ang pag-umangkon ug miabot sa napulo ka minuto una milutaw ang lawas sa biktima.
Gisulayan kini og revived ug gidala sa duol nga lying in clinic sa lugar apan gideklarar kini’ng dead on arrival.
News and photo by Cheleste Simene